🚨 ਗੂਗਲ ਜੈਮਿਨੀ ਦਾ ਨਵਾਂ 3D ਇਮੇਜਿੰਗ ਟੂਲ, ਯੂਜ਼ਰਾਂ ਲਈ ਖ਼ਤਰੇ ਦੀ ਘੰਟੀ!

ਵਿਨੇਪਾਲ ਜੈਦ:

ਜਲੰਧਰ, 13 ਸਤੰਬਰ:

ਗੂਗਲ ਜੈਮਿਨੀ ਨੇ ਹਾਲ ਹੀ ਵਿੱਚ “ਨੈਨੋ ਬਨਾਨਾ” ਨਾਮ ਦਾ ਨਵਾਂ ਏਆਈ ਟੂਲ ਲਾਂਚ ਕੀਤਾ ਹੈ, ਜਿਸ ਰਾਹੀਂ ਯੂਜ਼ਰ 3D ਇਮੇਜ ਬਣਾਉਣ ਲੱਗੇ ਹੋਏ ਹਨ। ਇਹ ਟੂਲ ਤੇਜ਼ੀ ਨਾਲ ਲੋਕਾਂ ਵਿੱਚ ਪ੍ਰਸਿੱਧ ਹੋ ਰਿਹਾ ਹੈ, ਪਰ Experts ਅਤੇ ਪੁਲਿਸ ਨੇ ਇਸ ਬਾਰੇ ਚੇਤਾਵਨੀ ਜਾਰੀ ਕੀਤੀ ਹੈ।

ਪੁਲਿਸ ਦੀ ਅਪੀਲ – ਸਾਵਧਾਨ ਰਹੋ

ਜਲੰਧਰ ਦਿਹਾਤੀ ਪੁਲਿਸ ਨੇ ਲੋਕਾਂ ਨੂੰ ਸਚੇਤ ਰਹਿਣ ਲਈ ਕਿਹਾ ਹੈ। ਇੰਸਪੈਕਟਰ ਮੀਨਾ ਪਵਾਰ ਨੇ ਦੱਸਿਆ ਕਿ ਬਹੁਤ ਸਾਰੇ ਯੂਜ਼ਰ ਇੰਸਟਾਗ੍ਰਾਮ ਅਤੇ ਐਕਸ ‘ਤੇ ਛੋਟੀਆਂ, ਚਮਕਦਾਰ ਅਤੇ ਕਾਰਟੂਨ-ਜਿਹੀਆਂ 3D ਮੂਰਤੀਆਂ ਨੂੰ ਵੱਧ ਸਾਂਝਾ ਕਰ ਰਹੇ ਹਨ। ਪਰ ਇਹ ਟ੍ਰੈਂਡ ਉਨ੍ਹਾਂ ਨੂੰ ਵੱਡੇ ਖ਼ਤਰੇ ਵਿੱਚ ਪਾ ਸਕਦਾ ਹੈ।

ਟਰਮਜ਼ ਐਂਡ ਕੰਡੀਸ਼ਨਜ਼ ਵਿੱਚ ਵੱਡਾ ਖ਼ੁਲਾਸਾ

ਇੰਸਪੈਕਟਰ ਪਵਾਰ ਨੇ ਸੂਚਿਤ ਕੀਤਾ ਕਿ ਗੂਗਲ ਜੈਮਿਨੀ ਦੀਆਂ ਟਰਮਜ਼ ਐਂਡ ਕੰਡੀਸ਼ਨਜ਼ ਵਿੱਚ ਸਪਸ਼ਟ ਤੌਰ ‘ਤੇ ਲਿਖਿਆ ਹੈ ਕਿ ਯੂਜ਼ਰਾਂ ਵੱਲੋਂ ਅੱਪਲੋਡ ਕੀਤੀਆਂ ਫੋਟੋਆਂ ਨੂੰ ਟ੍ਰੇਨਿੰਗ ਪਰਪਜ਼ ਲਈ ਵਰਤਿਆ ਜਾ ਸਕਦਾ ਹੈ। ਇਸ ਨਾਲ ਤੁਹਾਡੀਆਂ ਤਸਵੀਰਾਂ ਦਾ ਗਲਤ ਇਸਤੇਮਾਲ ਹੋ ਕੇ ਸਾਈਬਰ ਕ੍ਰਾਈਮ ਜਾਂ ਫਰਾਡ ਲਈ ਵੀ ਵਰਤੋਂ ਕੀਤੀ ਜਾ ਸਕਦੀ ਹੈ।

ਪੁਲਿਸ ਦੀ ਚੇਤਾਵਨੀ

ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਇਸ ਐਪ ਦੀ ਵਰਤੋਂ ਨਾ ਕਰਨ, ਕਿਉਂਕਿ ਇਹ ਤੁਹਾਡੀ ਨਿੱਜੀ ਸੁਰੱਖਿਆ ਲਈ ਖ਼ਤਰਾ ਬਣ ਸਕਦਾ ਹੈ। ਫੋਟੋਆਂ ਦੇ ਗਲਤ ਇਸਤੇਮਾਲ ਦੀ ਸੰਭਾਵਨਾ ਨੂੰ ਵੀ ਪੂਰੀ ਤਰ੍ਹਾਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ